6.03.2003
June 3, 2003 || 2:19 amNakakaklama para sa'kin ang pagblog-hopping. Masarap pakinggan (paminsan-minsan) ang iniisip at pakiramdam ng iba, kahit di mo kakilala. Nakakatuwa ang mga bagay na binubunyag nila (natin pala) sa harap ng isang monitor na mababasa ng kung sinu-sino, kahit di mo kilala.
Kalungkutan, kulang sa pansin, angst, fraternity, vanity. Anuman ang dahilan, ngayon nagpapasalamat ako dahil kahit papaano puwedeng makasalamuha ang ibang mukha ng mga taong ito. Ang saloobin na laging nakatago. Hindi na kailangan pang magpalabok o malasing, makakasilip ako sa nakahawlang sarili nila.
Kahit sa ilang bytes per page man lang, makagat ko ang kakaibang sila.
Ernan at 2:22 AM