1.17.2003
January 17, 2003 || 11:26 amPara sa mga taong napapadpad sa blog ko na naghahanap ng Dekada '70 Poster.
Ang panaginip:
Ang fresco ni Santa Cecilia. Gumuho. Natibag ang bato sa ilalim. Natagpuan nakaukit sa guho ang mga katagang "God is terrible" o "I don't believe in God" (di ko na matandaan kung ano sa dalawa). Ang hindi paniniwala. Ang pagkatakot at pagpipilit na hindi totoo. Ang pagtanggap na, sa buod at huli, hindi naniniwala si Sta. Cecilia. Pagkagimbal.
Sa paggising:
Gabi, hindi maintindihan, sinasaklot ng takot. Umaga, hinanap kung sino si Sta. Cecilia. Natagpuan. Santa ng church music. Birhen na ipinakasal sa isang pagano. Sa gabi ng kasal, sinabi niya sa asawa na binabantayan siya ng isang anghel kaya't di siya puwedeng galawin. Pinapunta ang asawa sa Papa. Bumalik sa kanyang Kristiyano na. Kapag kumakanta siya, sa Diyos lang niya iniaalay ang boses.
Hindi ko alam ang ipinahihiwatig.
Ernan at 11:37 AM